من بين الانقلاب الشعبى على السلطه الحاكمه
و زياده المظاهرات العماليه
و الارتفاع الملحوظ فى درجه الحراره
و بما انى خلاص مش فى حاجه اعملها
هقعد و اجاوب على التاج ده
و عشان كما ده من عاشق
احم احم
نادى على السؤال الاول
انسان مستعد تضحى بحياتك - ركز فى كلمة حياتك - عشانه
النمره غلط
انسان كرهته لدرجة الجنون وتمنيت لو تمسك سكينة وتنقض عليه وتغرزها فى قلبه وتقف تبص لجثته وتشفى غليل قلبك
احمد شوبير لما بنكون بنتفرج على حاجه و ابويا يقلب عليه
و دكتور المحاسبه
ما هو اسم اجمل كتاب بشر قرأته ومحتفظ به حتى الآن ؟
كتاب الاداره و محتفظ بيه لحد الوقتى عشان ساند بيه المكتب بتاعى
اسم كتاب كتبه بشر برضه أنت متعلق بيه وبتقرأه كل فتره
فلاش
اهم جهاز منزلى انت متعلق بيه او بتستخدمه كتير؟
التلاجه
مكان تحس بالراحة عندما تدخله؟
ال باس روم
شىء تحس بالراحة النفسية عندما تنظر اليه؟
النيل
مكان تحس فيه بالحنين الى شىء لا تدرى ماهو و ذكريات جارفة الى شىء؟
النيل
اجمل مدينة زرتها داخل مصر ؟
القاهره
أجمل مكان طبيعي رأيته داخل مصر ؟
الساحل الشمالى
شخصية كارتونية بتحبها
توم و جيرى
نوع هاتفك المحمول؟
نوكيا
سرعة بروسيسور جهازك؟
مش اصحاب عشان اساله على السرعه بتاعته
حجم ذاكرة –هارد- جهازك؟
40
المساحة التى تشغلها المواد الاسلامية على جهازك؟
ليست بقليل
أهم هدف انت واضعه فى حياتك الان؟
اهم هدف واضعته فى حياتى كان
دابل كيك فى محمد صاحبى
مواصفات فتاة الأحلام بالنسبة لك؟
و الله تكون بنى ادمايه كويسه
و الله تكون بنى ادمايه كويسه
شعورك لما بتسمع كلمة مصر ؟
بقلب على القناه الى بعدها عشان عارف انه ده برنامج خنيق
شعورك لما بتسمع كلام عن اليهود؟
بقلب برده عشان بعرف ان الاخبار لسه شغاله
شعورك لما بتشوف ظابط شرطة؟
بقوله دخلت انت يا ابن الحظيظه و انا رفضونى
شعورك لما بتشوف الكناس العجوز فى الطريق؟
ربنا يعينك
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
ايه يا كل الشعور ده انت باعت تاج لواحد حلاق
ما علينا اقوله ربنا يزيدك
احساس يراودك فى اشارة مرور مغلقة بسبب مسئول كبير؟
بطلع الموبايل بتاعى و العب جمز لحد ما الاشاره تفتح
تمرر التاج ده لمين
تمرر التاج ده لمين
الحج سيد و عم محمد فى الكويت و السيد و مراته و نحب نقولهم عباس دخل الجيس و سنيه و عيلها
و مرزوق النور قاطع عنده
و مين كمان مين كمان
مين الى لسه مرحش له تاج
و الله هما عرفين نفسهم
و هتجاوب عليه يعنى هتجاوب عليه
