فلسفه....؟

حينما تتمركز قمم الفلسفة في ذهنك تنتحر اخر نفطه في حبر قلمك

و يتبطن ف جدران عقلك مفهوم ان قمه الفلسفه مجرد احساس ليس له معنى كتابى

يترجم بيه

هستريا المال

من جنون الحب و براح الحريه و التملك فى الحياه الى


الانكسار و الخضوع لما هو فى معجم الطبيعه

وسيله للحب والحريه و التملك

قمم

قمة النحس انك تعمل حادثه فوق الكوبرى
و قمة الحظ ان الى تخبطك تكون عربية اسعاف
..................

قمة السعاده لما يكون حواليك ناس تعرفهم
و قمة الحزن انك تحس انك وحيد بينهم
...................

قمة الحماس لما تشجع فريقك و هو مغلوب و بيحاول انه يتعادل و يغلب
و قمة الاحباط لما يكون فريقك الزمالك
...................

قمة الامل لما تشوف بكره حلو
و قمة اليأس لما تلبس النظاره
...................

قمة الصحه لما مترحش لدكتور
و قمة المرض لما تكون بتتعقد منهم اصلا
....................

قمة الحريه انك تسوق نفسك
و قمة الكبت لما يكون معكش رخصه
.....................

قمة الى بيحب الحياه السما
و قمة الى نفسه يموت سقف لجنه امتحان ثانويه عامه
...................

قمة الحنين لما ترجع بلدك بعد فتره غياب
و قمة الجفاء لما تكون فى السفينه الغرقانه و ترجع ع السجن
...................

قمة الحب لما تحب نفسك اولا
و قمة الكره لما تقلب الاخرين بعد كده
..................

قمة النشاط لما تصحى تروح شغلك الى انت بتحبه
و قمة الكسل لما تصحى و يكون دا حلم
.................

قمة الجرأه لما تقول للغول عنيك حمره
و قمة السياسه لما تقوله اكيد كنت سهران للصبح
................

قمة الحياه مفيش
... و قمة كلمه مفيش نقطه

رؤيه موضوعيه

تعب النهارده بيهونه راحة بكره

و بكره لما بيجى بيكون النهارده

النهارده امبارح كان بكره

يبقى جمله اذا تقززات انفك من عرق الحاضر انعشها بنظافة المستقل غلط

لما المكعبات تقع منك

بترجع تدور من الاول على الغلط و تحاول تعالجه

طيب ما المعالجه دى بتكون محتاجه انك ترتبها من جديد

يعنى مع كل غلطه انت بترجع تهد كل حاجه و تبنى من جديد

و احنا بشر و كلنا بنغلط

يعنى لو كل واحد بيغلط غلطه بيرجع بينى كل حياته من جديد و دا مش صح

انما البناء بيكون من فوق لتحت

و من فوق لتحت بيكون اسهل معلجته لو حصل غلط

عشان لو كان الاساس فيه خلل او غلط
يبقى كل حاجه مبنيه عليه تبقى غلط

و بكره مربوط بالنهارده

يعنى النهارده اساس لبكره

ف لو النهارده مش مرصوص فى المكعبات صح يبقى بكره هيقع

هو الصعود للقاع غلط ؟

بوست على ما تفرج

بدايه يوم جديد يقف العبد لله امام البيت فى زيه اليومى و معدل الابتسامه يتضائل و اشاعه الشمس المصلته التى تجبر العين على الاغلاق بطريقه تدريجيه و القول المأثور فى وضع انهزامى "يوووو الجو حر و انا متقل ".. تبدأ خطواطى الغير منظمه فى وضع تفكير حول كيفيه قضاء اليوم الى شكله مش لطيف من اوله لتتوقف قدمايا الى حيث يرقد الميكروباص و بجانبه تلك الكائن الذى يدعو كمسرى _و فى روايات اخرى "تباع"_و بحنجرته العاليه "جامعه ،جامعه" و اذ بى ملقى فى اخر كرسى و ها هنا المشكله "الجو حار ياسطى بلاش اربعات " ليغلق عينيه كالابله و بقوله الذى يثير القشعرينه فى جسدى لبروته "تحاسب سياتك على الرابع "ليثير الزعر على اداره المحاسبه التى بداخلى مدعمه بفريق من الاقتصاد لاعادة النظر فى الميزانيه الشخصيه قد تسمح ام لا ،لتظهر النتيجه بانها ستاتى على حساب كوب من الشاى و عدد واحد سندوتش ممن يستطيعو ان يخمدو ثوره الاعماء الفارغه بداخلى مما اثار الذعر بمعدتى و تواحدة اعمائى فى شكل عسكرى بحثا عن مطالبهم التى قد تهدر ، و ككونى المسئول الاول ما كان على الا الرد "لا يعم ابعت رابع " و بدأ الرحله المزنوقه بالرابع و استكمالا لروح الانهزاميه على صوت قائد الانتحار الاول مصطفى كامل لكن القدر كان رحيما بى ان تنتهى تلك الروح على اغنيه مصطفى قمر هنحب ايامنا ،ليغزو التفائل جسدى بدون خسائر و لكنها كنسمة ربيع فى الفجر لما الواحد يصحى الضهر كده حينما ايقنت و انا فى كامل قوايا العقليه امام المدرج النهارده الخميس مفيش محضرات عااا
جلست على سلم المدرج كخروف العيد مش عارف اعمل ايه و مش عايز اروح
و من بين مأمأتى الفكريه قرارت الذهاب الى بيتى التانى القهوه بس انا مش اعرف قهاوى فى المنصوره ،خرجت من الجامعه بخطواط غير مرتبه و اذ بقى لقيتنى ملقى فى حته نضيفه نضيفه يعنى، اول مره اشوف قهوه نضيفه و زبائنها انضف
و لكن هيهات لغرائزى الشورعيه اذ بى رفعت ايدى و سقفت للجرسون_ كما يدعون_التفت الى الانظار بطريقه غريبه و كانى كائن فضائى دخل القهوه ،وكان فى واحد ذو هيبه بيكلم الجرسون و تاكد من نظرته ليه انه بقوله شوف العربجى ده عايز ايه
ما علينا جيه الجرسون تأمر بايه يا فندم _يااا اول مره حد يحترمنى_ عندكو بن حلو
قالى اه
قولت يا بختكو ....انا عايز واحد شاى تمام
اتبع الراجل نظريه الصمت مفيد احيانا
و مشى و معبرنيش
و اذ بكوب من الشاى الدفء و بحوزته باكت سكر
و تاكد فى هذه الحظه ان الخمسه جنيه الاخيره فى جيبى مش هتكمل ادفع تمن الشاى و انى ان شاء الله همسح القهوه بس للاسف القهوه نظيفه
يبقى هو الحمامات او المراحيض حفظا على اللغه
دا بعد ما اترزع العلقه التمام
و بعد هذا اليقين اعطيت لعقلى اجازه و عينت عقلى الباطن نائبا لى و ليصور فى هذا الكوب كل مالزات الحياه عشان بعد كده نضرب نمسح الحمام بمزاج
و قعدت افتكر الايام الحلوه و اصحابى و ايام ما كنا فرحنين و ايام ما كنا زعلانين و اخر مره خرجا سو الى هو كان امبارح و اخر خمسه جنيه كانت فى جيبى ....الى اتعشينا بيها امبارح
!!!!!!!!!
و لكن يبقى للموبايل الملعون الى جيبى فائده و كلمت صحبى الى جيه و حاسب على الشاى و القهوه و عصير الى انا شربتهم اصله اتاخر فى الطريق و بعدين ما هو الى هيحاسب بقى
:)

تاملات حياتيه

تتميز الاجتماعات النسائيه بالسخونيه و الجديه فى الحوار و ده عشان كتر الاعتراضات الى غالبا بتكون على صاحب القرار مش القرار نفسه وده حسب القول
"هو مفيش غيرك فى الاجتماع ولا ايه"
"هى فكره نفسها هنا الحاكم ولا ايه"
"انتى شفتى هى كانت بتبصلى ازاى"
و هكذا ينتهى الاجتماع بزيرو قرارات (زى زيرو سكر)
و تبدأ الفتره الثانيه من الاجتماعات
لما زيزى تكلم ريرى على الفون بيعلقو على الى عملته لولو فى الاجتماع
"انتى شفتى هى كانت بتتكلم ازاى"
و على الصعيد التانى تلاقى لولو بتكلم سوسو على ريرى لما كانت بتبصلها
"شفتى كانت قاعده تبصلى و بتهرى فى نفسها ازاى هتموت و تعمل زى!!"
....................
اشاءت التضاريس و هيئة الاعمار و معاهم ادارة المرور ان يكون طريقى الكونيش و لاكنت احس براحه نفسيه فى بعض الاحيان الا لما اقف عليه و معه شعور بالتطفل لما ابص على الناس الى واقفه ،
- فتلاقى ديما بنت و ولد واقفين مقربين أوى من بعض و بيهمسوا او مش بيتكلمو اساسا..نفسى اعرف بيتكلمو كل ده فى ايه؟
- ومسافه و تلاقى ولدين وقفين بيتفرجو على البنت و الولدالى وقفين..
- و راجل عجوز بيتفرج على البحر و بيتعجب من الشباب البايظ الى قاعد بتفرج على اتنين بيحبو بعض !!
- و بعد كده تلاقى راجل حاطط ايده على كتف مارته و دول اكيد بيتكلمو فى مصروف البيت
بصى يا ام محمد دول 700ج فلوس الشهر 400ج مصاريف البيت و 200 ج دروس محمد و الباقى نخليهم لوقت زنه او نبقى نتفسح بيهم( الى هما اصلا 100جنيه)!!
-و اخير بنتين وقفين لواحدهم و هنا تتجه انظار الشباب ..يلا ياض يا حسن دول لواحدهم..لا يا عم ادخل انت و انا هاجى وراك على طول
دا على انهم وقفين و رافعين يافطه فرصه ذهبيه بنتين لواحدهم و معاهم المشروب هديه !!
....................
صاحب القهوه الذكى و الى عايز مشروعه ينجح هو الى يعمل مكان جوه القهوه فى الخباسه و يسميه ركن العائلات و بكده يبقى كسب الضاريبه و الى بيدخنو من وراء اهلهم
و خصوصه لو كانت منطقه او بلدك الناس عارف فيها بعضها
و ده بمثابة ركن العائلات الى فى الاماكن عامه تانيه فى القاهره بتاخد فيه مزتك !!
....................
المواطن المصرى الواحيد الى لو ليه خال او عم مهم لازم يدفس اسمه فى اى حكايه بيقولها عشان يعرفهم ان ده خاله او ده عمه
"امبارح و انا عند خالى فى الهرم.. واخد فيلا هناك ايه شرحه و برحه و جميله,و,,و,,,و.. ،،جيت اكلمك على الموبايل لقيتك قفله"!!
تحس انه و هو بره او بيكلم اجانب بيقولهم "و انت ماشى فى شارع الهرم هتلاقى اهرامات هناك دول بقى بتوع اجدادنا الفراعنه"
ماشى يا سيدى عرفين و انت بقى عملت ايه "عملت ايه؟..رحت زرتهم" ّ!!
....................
الكمسرى تلك المعجزه التى افرزتها لنا الايام ، كائن يعيش و يتاعيش
موطنه الاصلى باصات الحكومه و لكن انتشر فى السنوات الماضيه فى جميع المكرباصات
مميزاته يتمتع بحنجره عاليه و قله زوق مبالغ فيه و قدره حسابيه مش بطاله
تعرف الكمسرى الكويس هو الى تلاقيه متربس العربيه كلها زبائن يعنى ممكن الميكروباص الى 14راكب يخليه 20 و ساعات توصل 30 كل الى يهمه رضا معلمه الى هو السواق و ظز فيه يا حضرت الراكب ،و لكن فى الفتره الاخيره هرب الكمسرى الى التوك توك لانه مصدر رزق اكبر و الشغل عليه سهل و مش محتاج ترخيص و كمان بعيد عن الشوارع العامه و الكمين و البتوع المرور و كمان" اكنك " بتسوق تاكسى..دا على حد قولهم !!
....................
زمان لما يكون عندك 20 سنه و ابوك يعرف انك بتشرب سجاير كان يعلقك و يضربك
و يحرمك من مصروفك لانك بايظ
دلوقتى ممكن تلاقى ولد عنده10 سنين و ماسك خبور حشيش و نازل يا سحب ولا حد يقوله حاجه..اصله واد راجل .
و لما حد يسالك انت بدخن ولا لا.. تتكسف حتى و انت تحت 18 سنه انك تقول مش بدخن
لان ساعتها بينظر ليك بنظرة عطف"ياعنبى دا لسه كتكوت "
....................
مهما تنوعت عربيات الاجره او الميكروباصات الى انت هتركبها هتلاقى نفس الشريط الى شغال
تحس انه بيروح لبتاع الكاست يقوله عايز شريط كوكتيل سواقين"حزن"
و ده الى بيمل ليه معظم السواقين و اغنيه مشهوره ديما
ابتدأ باغنيه ديقيه حداد و انتها بأعنيه متجراحوش لسعد الصغير
او كوكتيل "فرايحى" و ده بيقى بيدأ بالعنب و من ثم اغنيه قوله اغنيه من كلمه واحده" قوله"
....................
فى الميكروباص احزر "موسيقى الفك المفترس" ان موبايلك يرن و لو راجل رد على الى بيكلمك
هتلاقى اذان و عيون و انف الركاب بتتجه اليك و احيانا بيجوا يقفوا جمبك عشان يسمعوك كويس دا اذا السواق موقفش العربيه عشان صوت الماتور مغلوش على صوتك و هو مش سامع
لما كنت فى فى الميكروباص و صحبى كلمنى على الموبايل وقالى انى نجحت لاقيت كل الميكروباص بيسقف لى و الى قدامى لاف وشه مع زياده فى معدل الابتسامه "امال فين الحلاوه"
....................
بما ان السينما هى المراه العاكسه لكل الى بيحصل لنا فى البيت و الشارع ،تلاقى فيها كلام او افعال مش مطبقه للواقع
يعنى تلاقى ديما فى الافلام لما العريس يعوز ينجز فى الجوازه عشان مسافر او اى حاجه تانيه تلاقى ام العروسه تقول لا اصل دى بنتى الواحيده ولا زم افرح بيها ،يعنى انتى لو كان عندك بنت تانيه كنت اتبراعتى بدى للجمعيات الخيريه .
-ليه ديما الشرير فى الافلا م لما حد بيكلمه على الموبايل يفتح و ميتكلمش و تلاقى الى بيكلمه بيتكم عادى ، فكون انى لما عملتها صحبى قفل فى وشى السكه و لما شافى قالى ابقى صلح موبايلك يابنى احنا مش بنلاقى الدقائق دى على الارض
-فى اى بيت شعبى فى الافلام تلاقى لما الاب والام يتخنقو محدش من العيال يسمعهم ولا اى حد
مع ان ده لما بيحصل فى اى حته شعبيه بتلاقى الشارع كله بيفك الخناقه و ساعات بيطلبو دعم من دول تانيه
-ياااه بعد 20سنه جايه تطلقى ..يااا دى كانت تايها من 20سنه..دى حكايه فاتت من20 سنه
ديما الفتره الى فاتت فى السينما بتكون 20 سنه طب ليه متكنوش 18سنه او 19سنه و شهربن.

فى هذه الحاله...يجوز

يا سلام كده لما الواحد ينزل من العماره يلاقى البواب يجرى ياخد من الشنطه و يوصلك على العربيه الى هو لسه ملمعها عشانك ،و يكون عندك مشوار فى منشاء حكوميه ما و لما تروح تلاقى السايس

مستنيك و يفضى ليك مكان و تنزل ملك تدخل المنشاء و تخلص ورقك

و تلاقى الموظف مش عوزك تمشى و هيعيط على فراقك و تخلص و تروح على المرور ،لا تقف فى الطبور الملعون ولا الكلام ده فى نص ساعه زى الباشا تخلص حاجتك

وبعد كده تروح تخلص الشغل بتاعك......،،

عزيزى القارئ تعرف انك ممكن تعمل الكلام ده بعشره جنيه فقط، اول مره فى حياتى اعرف ان الجنيه المصرى ممكن يكون ليه قيمه بالشكل ده
عداد واحد جنيه فى اللذيذ لما يدعى السايس او البواب بكل مسمياته

من غفير الى سكيورتى او ما شبه ذلك، و هو هشيلك على راسه و يعملك المعامله الى انت عايز تتعامل بيها

،طبعا كله بيقولى دا بدل ما تقول قاومهم و اننا نمانعهم ،

بالعكس انا لست مؤيد تلك الفكره انت لو جيت تحسبها هتلاقى انت الى كسبان

بغض النظر عن الى بيلمه السايس فى اليوم

ف انت هتكون مرتاح و كمان عايز تفهمنى ان انت مش بتتدفع بقشيش .... الموظف الى الكل بيهجمه انه بياخد رشوه من الناس، الراجل ده لو كان حتى رتبه عاليه ف مش هياخد اكتر من 500 جنيه

فى الشهر يا ترى دول

هيكفوه هو ولا مراته و لاعياله ولا مدرسه عياله و لا دروس عياله و لبس و اكل عياله و حتى خروج عياله ..هو مش بنى ادم هو كمان و عاوز يروش مع عياله ،ف ما بالك بالاقل،،لو اعتبرنا دا جزء من منحه عملها الشعب تكريم تلك الكائن الى يعد تاريخه من اقدم العصور الوسطىو بدل ما انت بتدفع غصب عنك ادفع و انت مقطنع بكده

طبعا الكل بيبوص لى دا انت بدل ما تهاجمهم وتشجع على المقاطعه

ما الكل زهق من الكلاامالى من غير فائده ده

،لابد من مقاطعة مثل هؤلاء الموظفين الذين يقبلون ما يدعى بالرشوه "الاتاوه" على انفسهم ،،

و احنا عمرنا ما هنبطل

انت هتبطل ..انا هبطل ..بس غيرنا كتييير مش هيبطل

بزعم منه اصل انا مستعجل المره دى ف المره الجيه

انا مش هدفع لانى لازم احط حد للحكايه دى

و تستنا المره الجيه ..مفيش

..ما انت طول عمرك كده مستعجل.. الشعب الواحيد الى مستعجل على ايه مش عارف

الموضوع خرج عن السيطره و كلام المقاطعه دا كان زماان مش بعد ما السرطان وصل لكل مكان

ف يا نبطل استعجال و نعالج الموضوع ده و الحكومه تقبض على بيعمل كده،

،على اساس ان الحكومه مش بتعمل كده

ساعتها ممكن نعمل معجزه و نوقف الحركه الاتاويه من التخلل لكل اجزاء تلك الشعب

و على رأى اللمبى يا تمسكومهم ..يا توافرو ليهم الكله

أشاره وسط البلد

وصل عم عبده قدام اشارة مرور وسط البلد عشان ياخد الورديه بتاعته

و الى لقى عدد كيبر من رجال الشرطه هناك و لما سال محمد الى كان ماسك الورديه قبله

قاله دا يعم موكب الريس هيعدى من هنا فبيأمنو المكان و كده و بيفضو الطريق
ضحك عم عبده يفضو الشارع ده لايمكن طبعا دا نص البلد هنا و النص التانى فى شارع رمسيس
يا عم و انا مالى انشا الله ما فضو انا مروح

ختم بيها محمد و هو بشيل حاجته و ماشى
بدا عم عبده فى تنظيم الاشاره و حولو يقفلو الطريق و يفتحو طريق تانى

و لكن كان فى عربيات قليله بتعدى من الشارع ده عشان الزحمه
و بدا الموكب يتحرك فعلا

و على اول الطريق دخل عطيه سواق المكيروباص فى العريبه الى قدامه عشان السرعه الكبيره الى كان ماشى بيها لما استعجله الضابط ,وقاله وسع الطريق يا بن.... انت و هو
و بكده قفل عطيه بالميكروباص و العربيه الى خبط فيها الطريق خالص

و من واره قفل العربيات الطريق و فضل الموكب فى النص محبوس

بين العربيات و اتحركت الشرطه و الاسعاف عشان تشيل الناس والجثث

عشان الموكب يعدى بسرعه ولكن كل ده خد اكتر من نص ساعه

و بداها الشعب فى السؤال عن الى بيحصل و بعد كده الحورات الفرعيه

الى وسعت و بقت جماعيه بين افراد الشعب الى التحم كله بعيد عن السياسه فى قضيه واحده

و هى ان الخيار غلى النهارده خمسين قرش عن امبارح ولكن الخيار ادى فرصه للشعب انه يوصل

للرأس المدبره و هى الحكومه و من بعدها الريس و الى خلاهم فى محاولها

مهمشه انهم يحدفو اسئله للريس من غير ما حد ياخد باله لا يروحو فى حديد
و الى كان معظمها

انت ليه بتعمل فيا كده ... انت مش حاسس بالى احنا فيه
و من كتر حرقت الشعب و غضبه عليه و على الى بيعمله فيهم علا صوتهم
ووصل الكلام للريس فى العربيه الى اشتغلت عنده انماط الذكاء و محاولات كسب الظروف لصفه
طلع من العربيه و طبعا حوليه الحراسه و رفع ايده للشعب و الابتسامه الخبيثه و بدا يتكلم بصوت عالى

اولا انا معملتش حاجه تضر الشعب كل الى بيحصل ده خارج عن ارادتى دى سياسه حكومه اه انا الى بتحكم فيها ولكن مش بصفه مؤثر
فى كتير من المؤامرات الى انا بكون ضحيتها زيكو و انا مش هعمل حاجه لواحدى كلهم

بيحولو يسيطر على كل حاجه
انتو فكرين انى عايش فى امان لا انا كل يوم بنام و عارف انى مش صاحى تانى

عشان عارف ان فى حد منهم هيدخل يقتلنى
انا غلبان زيكو بالظبط بس هى البدله دى و المركز الى لازم اكون قده الى عاملين فيا كده
انا بحاول أخلينا كويسين بس هعمل ايه لواحدى و كلهم عيزين يخربوها
لما يكونو هما عيزين ينهبوكو و انتو فكرين ان انا الى بعمل كده و هما السبب طبعا فى الفكره دى
تفتكر ليه يعنى بيعصوكو عليا و انقلاب عليا مش عشان انا بحاربهم
بس بحاربهم لوحدى و اكيد مش هعمل حاجه لانى لواحدى بس طول ما انا بتنفس مش هسيبهم يبوظو برحتهم
..
و انتها الكلام لما واحد من حراسه فتح باب العربيه و ركب الريس و مشى الموكب و معاه هتاف الشعب
تسقط الحكومه يحيا الزعيم يحيا الرئيس
يعيش القائد يعيش يعيش

كان زماان

فى وسط حالة الملل الى الواحد بيعصرها الواقتى فى فترة الاجازه

قعدت افكر فى اجازات زمااان
لما الواحد مكنش ملاحق على الخروجات ولا اللعب و الفسح

ايام ولا لما كانت الاولى والتانيه هما الى مسيطرين على التليفزيون كله و مكنش فى دش فى مصر الا فى القصر الجمهورى و كان 40 قناه بس مش 1000
فتلاقى الشعب بكل مستوياته و فئاته يصحى الصبح على 12

عشان يلاحق فليم الاولى بتاع الساعه واحد
و بعد كده بنزل يخرج ف لو كان هيروح النادى او هيعمل شوبنج

او هيلم العيال و يروحو الساحه الشعبيه
عشان بلاعبو كوره و البنانيت يلبعو قدام البيت، لحد ما بيرجعور

عشان الكل يلحق مسلسل الساعه 7 على التانيه و الى كان بيجي بعده مسلسل 8على الاولى

و يجيى بعده وقت الخروج و يروح الواحد عشان يكلم صحبه على الفون يلاقى اخته بتتكلم فيه

و لما تخلص يجى يكلم صحبه يلاقى التلفون بتاعه مشغول اكيد اخته كمان بتتكلم فينزل يفوت على صحبهم التالت و يعدو عليه يلاقوه فى مشوار و لما يرجع و يخرجو يلاقو الساعه بقت 12 و يدوبك خمس دقايق و فليم التانيه الاجنبى هيجى و كله يجرى على بيته تقعد العيله كلها بعد الفليم تستنا المسرحيه الى على الاولى عشان النهارده الخميس فى مسرحيه جديده على الاولى بعدها الحق انام عشان فليم الساعه واحده بتاع الاولى
وده طبعا مش بيحصل الوقتى خالص لان الدش حل كل المشكلات دى
ف مش مهم انك تستنا الفليم الوقتى ممكن تشوفه بعدين و كمان الموبايل
زماان كنا بنقعد اكتر من ساعتين على ما نتجمع كلنا الوقتى برنة موبايل كله يكون موجود
دا غير ما يسمى بالكمبيوتر الى دخل علينا و معاه الانترنت الى سحب فئه كبيره من الناس و معدتش بتخرج و قاعده عليه و خلاص
كل الانفتاح و الثوره التكنولوجيه الى حصلت فى فتره قريبه من بعضها هى الى خلقت فكره الملل الى احنا فيه ده ومعاها العولمه و السرعه الى احنا بنعشها الوقتى
و الى بتلاقيها فى كل حاجه حتى الاكل زماان كان كلنا نتلم فى اكله واحده انما الوقتى و فكره التيك اوى الى عملت خلل فى التركيبه الاسريه على الغدا
و اسباب و احداث تانيه كتير اوى حصلت مع الثوره دى

بس هو التاثر بالعمولمه و الثوره الفكريه دى لازم يحصل لنا
يعنى مش نسبها بقى عشان نفضل زى زماان بنقضى حياتنا سعيده و من غير ملل
لا هو الترشيد و حسن استخدام تلك الموارد المتفجره لاحسن تفرقع فينا و يبقى يومكو مهبب
بـــــــــــــــــــــــــــــــــــــــــــــــــــــــــس

هتشى....الحمدلله

قعدت كتير اوى ادور على فكره اعمل بيها التاج و مفيش حاجه ماشيه و قعدت افكر افكر لما جالى جنان و بقيت كل ما انام يجي لى التاج فى الحلم على شكل فلاشات و جو رعب.... عاااااااااا

لحد ما جيه اليوم الى لقيت فيه الحل لما فتحت الجرنال و لقيت اعلان بيقول

تاااجك و انت حر فيه تاجك و معانا هتجاوب عليه... الدكتور سكايار و مساعديه بندقه و ميرو

اخت العنوان و طيران على هناك

دخلت للدكتور...لقيت حد بدقن قاعد يهرش فيها و بيقول اتفضل اتفضل

و قعدنى كدهوت على حاجه كدهوت شبه الكرسى كدهوت بس بتقلب على سرير فى الاخر كدهوت

و قعد جنبى ..متخفش متخفش انا عارف انت جى ليه (بركاتك يا سيادنا دا طلع منهم ) و هريحك على الاخر بس جاوب بس على الاسئله دى

اسم مدونتك؟
crazy boy

لماذا اخترته و ما نيتك وراه؟

والله سعتك عادى دا كان اسم الايميل بتاعى

و كان كمان لما كنت بفكر فى مواضيع و اكتبها كنت بحس انا الجزء المجنون فيا هو الى بيتكلم

لان مفيش حد عاقل يكتب الكلام ده

مفيش مره صحيت من النوم فكرت انك تقفل البلوج دى؟

ساعات كنت بفكر فى كده لما اكون مثلا مش لاقى حاجه اكتبها

الناس مش متجاوبه مع الى بكتبه

انما على طول كانت الفكره دى بتروح من دماغى

لما حد يتجاوب مع الكلام الى بقوله او القى فكره اكتبها

لماذا دخلت عالم التدوين من الاساس؟

كانت شوره مهببه

انا اصلا كنت رايح اجيب عيش لاقيت زحمه قولت دا بيوزعو لحمه ولا حاجه

لاقتهم وقفين بيعملو بلوجات

قولت لما اجرب و خصوصا انه ببلاش

ف كتر من ابو بلاش

جمله قيلت فى وصف مدونك ؟

يا مجانييييييييين

التعليقات بالنسبه لك؟

ابصله براحه و اركز فى عنيه و بسهتنه

رد الفعل سيتك

و اقوم قايم من على البتاع الغريب الى كنت قاعد عليه

و دى طبعا مهم بالنوسبا ليا

ارفع ايدى لفوق

رد فعل الشعب تجاه رئسهم حاجه لا يتسهان بها

احلى بوست كتبته ..ايه و ليه؟

ثقه فى النفس انا مش بكتب حاجه وحشه

هع هع هع هع

بس اكتر حاجه بحبها كان الصمت عشان دا اول حاجه كتبتها

و كانت افتاحيه للبلوج بتاعت حضرتونا

كمان بتاع الحاضر عشان كانت حاله نفسويه و ايامها كنت فى حاله تفائل كبيره

افضل بوست قرأته ؟

كتير اوى و بعدين انت مالك دا انت حوشر اوى

يا ساتر يا ساتر

افضل مدونه قرأتها

مش قايل ها

و بعدين انا ماشى وسع من قدامى لطخك بالنار

..........

و اذ فجأه دخلت علينا ميرو

ايه يا جماعه عاملين دوشه ليه

الرجل ديه عمال يسأل اسأله غريبه

و انا بجالى بتاع ساعه و لسه زى ما انا لاخفيت ولا بتاع

معلش يا حج بس دول اسئله عشان بس نعرف نعلجك

حج ؟طيب لما نشوف

قولى بقى لو فى حد قل ادبه فى التعليق عندك تعمل ايه

حد يقدر يعمل اجديه

طب بتعمل ايه

هسيب التعليق و ارد عليه

و لو مفيش ادب يبقى نتربى

اسوء بوست و اسوء مدونه ؟

ايه ديه هو انا هنا فى مسابقه قان بتاعت افضل و اسوء ولا ايه

ايه افضل و اسوء ديه الى انتو خبلين الواحد بيها ديه

و الله لسه محصليش الشرف انى اشوف بوست وحش

هيحصل ايه للباسورد بتاعك لما تموت ؟

توف من حنكك

توف توف

ال اموت ال

هعمل بيه ايه يعنى

اكيد هيتشرد فى الشوارع و يصيع و يشرب مخدرات

و يشم كوله

اديت الباسورد بتاعك لحد قبل كده ؟.

ياااه

دا الكفر كله يعرف الباسورد بتاعى

الاسم المشهور بيه بين اصحابك؟

مامادو

شخصيتك نوعها ايه؟

حلزونيه

السفر بالنسبه لك؟

واجب ولابد منه

وقت فراغك بتعمل ايه؟

بفكر فى بكره عامل ايه

الاكله المفضله ؟

كله ايزى بالنسبه لى

الشغل بالنسبه لك?

لا هو انا اصلا كده

الانترنت بالنسبه لك؟

مين قل انى سفرت بره مصر قبل كده

و اذ فجأه دخلت بندقه علينا و قامت لابسه النضاره سيبهولى الوقتى

لالالالالا كله الا الحقن

لا لا متخفش مفيش حقن انا هكمل الاسئله معاك

يعنى ايه هتغششينى ولا ايه

لا انا قصدى انا الى هسألك يعنى

همممممممممم

هل تحرص على تجديد نيتك قبل ما بدخل النت؟

تو تو الفلوس مش كل حاجه

ايه رأيك فى جريده الدستور؟

بغض النظر عن المعارضه السياسيه الى بتكون من اجل المعارضه بس

فهى الجريده المفضله

هل تثق فى جريده الدستور?

مش على طول

هل تعمل في السياسه والعمل العام أكثر من الربانيات والروحانيات؟؟؟

دى وجه نظره هو انما انا لا

هاااا انا كده خفيت

هع هع هع هع

شفت عقرب الساعات على 9

فى بادره من نوعها و التى تعطى مؤشر عالى على ارتفاع سعر الجنيه فى السوق العالميه
هو انى صحيت النهارده الساعه 9 الصبح
معجز تعطى نظره امل لخروج امريكا من العراق ،
و ده بعد تقريبا اكتر من اربع شهور مشفتش عقرب الساعات على 9 او حتى 12
من بعد ما اخت الاجازه
و لاول مره محتاجتش القوه العسكريه الى بتصحينى كل مره ،
قمت و اخت ما يدعى بشاور و بعدين الفطار
الوجبه الى بقالى سنه مشفتهاش
بعد ما كانت بصحى على وجبه العشا على طول
و بعد كده فتحت التلفاز
تلك الجهاز الى مش بستعمله الا فى الاعياد
و ده بعد ما اخترعو الكمبيوتر
شيكت على قنوات الدش كلها
و قولت اشوف اولادنا فى التلفزيون المصرى اخبرهم ايه
و معانا القناه التانيه و فليم عربى قدييييييييييييم
قعدت اتفرج عليه و حاسس انى بعد كده هنزل اجيب الجرنال
و طبق الفول من عند الواد دقدق،
خلص الفليم
شعور بالفراغ قمت رايح مصحى البيت كله
هع هع هع هع
انا بلطجى
كله قام طبعا
و اولهم ابويا الى قام على النبره المعتاده
انت لسه صاحى خليك لما الزفت ده يخرب عقلك
قصده على الكمبيوتر
ضربو الاعور على عينه يا عم الحج
بداء اذان الجمعه
ونزلت و كانت اول مره اشوف الشمس و الدنيا منوره كده
و رحت على الجامع على طول
و الى كانت اول مره اكسر فيها العاده و اغير الجامع الى بصلى فيه
و اول ما دخلت و كانت اول مره اشوف فيها الشيخ و هو بيقول الخطبه
كنت عايز احضنه و ابوسه
انت فين يا راجل من زمااان
خلصت الصلاه و شعور بالظقطاطه بانى عملت ده كله و لسه الساعه 2الضهر
و رجعت مع اصحابى الى منهم جرى على البيت عشان الحر
ها يا حلاوه
و رجعت البيت و اول مره اتابع الحركه فى البيت و الشارع بعد الصلاه
لانى كنت ديما برجع على السرير اكمل نوم على طول
دا اذا صحيت اصلا
لانى اتبرمجت على الصحيان الساعه 7،8 بليل
و تقوم بقى من النوم حاسس بفجوه زمانيه
بينك و بين الناس الى صحايه دى
تحس انك عبيط و مش فاهم حاجه
انما الصحيان بدرى طلع نعمه و الى يكره يقع فى الترعه
و انتها يومى الساعه 12
و حاسس انى كنت مطبق تلات ايام ورا بعض
خلاص مفيش احلى من الصحيان بدرى
مفيش سهر بعد خمسه الفجر
او سته.. يعنى
عشان ننام بدرى و تحس باليوم من اوله و تستمتع بيه
ولا ايــــــــــــــــــــــــــــه
يا حج كامل

عايز تعرف هتموت امتى

زمااان كده ايام القناه الاولى و ايام المسلسل بتاع الساعه تمانيه فكرينو طبعا
كان فى اعلان غريب كده بيجى فيه البنت موزه و ماسكه جهاز عجيب كده و قاعده تتنطت
على موسيقى الاغانى شاغله ..و تيجى تقولك عايز نغمات لموبايلك
هتلاقى عندنا اتصل ب.09000..و انا اقعد ادور فى الاعلان على الموبايل ده انى الاقيه
لحد ما عرفت ان البتاع الضغير ده طلع اسمه موبايل
و بدات السنوات تتوالى و تتوازا و معاها الاعلان ده و بقت كلمت 0900 بتسمعها فى اليوم اكتر من انك تسمع اسمك
بين اى مسلسل او قبل المتش فى اى حته يحشرو كلمه 0900
حسيت انى و انا نايم و بحلم الاقى يفطة سنعود
و يجى اعلان 0900 فى نص الحلم و بعد ما الحلم يخلص
و بعدين يجى عدنا و اكمل الحلم
و كمان بدات خدمات 0900فى الزياده الله يكرمها
يعنى فى 0900 للموبايات الرنات و رسال
و بقى فى للمطبخ 0900 مش بتعرفى تطبخى و عايزه تتعلمى
جوزك بيحب الباميه و انتى مش بتعرفى تطبخى الباميه ..سيبك منه و اتصلى 0900
متختخه و كل ما حد يشوفك يقولك دبدوبه التخينه
ولا يهمك الحل عندنا اتصل 0900
حياتك بؤس و مش طايق نفسك قبل ما تتنتحر اتصل 0900
موزتك قلبتك ..مراتك طلقتك ..جوزك ضربك ....اخوك ولع فيك ومش عارف تعمل ايه
اتصل ب 0900
و بدأت تتوغل فى كل ارجاء حياه الانسان حتى الخصوصيه
علاقاتك الزوجيه مش كويسه الايام دى 09000
زعلان مع مراتك ليه يا راجل لا الحل عندنا اتصل 0900
و عدت الحته دى بعد ما غطت الحياه الخصوصيه للبنى ادم
تسكت يعنى لا ازاى شفلنا حاجه تانيه
و فعلا كتر خيرها لقت حل عشان تساعد البشريه
اى سوال عن دينك الاسلامى و عايز تعرفه اتصل 0900
و كمان لو عايز رنات اسلاميه و دينيه و عايز خطب حاضر من عينى الجوز و منخيرى اللوز
اتصل انت بس على 0900
طب و هنسيب الاخوه المسيحين دول غليين علينا
عايز رنات مسيحيى و شعارئر مسيحيه
اتصل 0900
لو عايز اجابه عن اى اسئله بدور حول دينك المسيحيى اتصل 0900
يعنى الصلاه ع النبى كده قدرته ستنا و تاج رسنا 0900انها تلبى خدمات البشريه كلها
لدرجة انى حسيت ان ممكن يطلع فى يوم يقولك عايز تعرف هتموت امتى
اتصل 0900
ناس طيبين اوى
و قدرو يحلو مشاكل الشعب كله
و نسيو الطبقه المطحونه الى طالع عين ابوها
يعنى مسمعتش عن 0900 معمول للشكاوى و لخدمه الناس المطحونه
يعنى يوصلو صوت الموطن ده او شكوته للمسؤل فلان او علان املا فى انه يحلها
مسمعتش ..و ده يدل ان 0900 قايمه على فكره تجاريه بدور على العالم الفاضيه الى مش وراها غير الهلس و العبط
و ده لاننا
شــــــــــــــــــــــعـــــــــــــــــــــــــب مــــــتــــــخـــــلـــــــف

لو كان ابويا بيقلق بليل

فى يوم كده و انا راجع اتسحب الفجر ،قعدت فكرت ياااااه لو كان ابويا بيقلق بليل
يا نهار كله مطبات..
دا كان علقنى على بوابه البيت و تعالى بص الكيلوه بنص
كان زمان عرف انى كانت بره لحد وش الصبح
ولا كان عرف انى اخدت الكمبيوتر المطبخ و يومها حرقت البراد و السى بى يو كان هيفرقع لكن ربنا ستر
او كان عرف انى يوم امتحانى رحت لعب كوره الفجر بدل ما اروح اذاكر
و يا سلام لو كان شم خبر ان انا الى وقعت ريشه المروحه و انا بالعب كوره فى الاوضه
و انى بدل ما بسهر اذاكر مقضيها على النت او قاعد اتفرج على التلفزيون
او كان مسكنى و انا بفرقع الدناميت و احدفه على سطح الجيران
دا كان ولع فيا
و فى يوم كده و انا بفرقع الدناميت و لسه رايح احدفه على سطح الجيران

لقيت الواد كيشو ابن الجيران واقف و فى ايده سجاير ندهت عليه

ايه دا ياااض انت بتشرب سجاير و كمان و كمان زى النوع بتاع ابوك
لا يا عم دى سجاير ابوايا اصلا
و لو شافك يا برنز
شافنى.لا.يا عم دا نايم. ..
هممممم
رشقت فى دماغى الفكره الى فوق الى الاقديمه الى كنت بفكر فيها
طب و لو البرنز الكبير قايم يشرب و كان رايح فين و قفشك هتعمل ايه يا بوب
يا نهار كله زحلقه
د ا كان ولع فيا ولا لو كان عرف انى كنت بثقف الوقتى ،او سمع صوتى و انا بكلم سوسو بهججه على النت فى المايك
ولا فاكر يوم ما كان معايا خبور حشيش و قعت اقولك تعالى جرب و انت تعملى فيها عم الشريف
قعت و قفلت الاوضه عليا و ضربته
تخيل بقي لو كان قام يومها وشافني كان زمان
امي دلوقتي ارملة ده ممكن يروح فيها اصله فاكرني معرفش الحشيش من حتته البوفتيك .
او يوم ما جبت لولوه البيت و اخدها الاوضه على انها واحد صحبى و هو نايم فى العسل
وشوف كل المرات الى باجى العب معاكو فيها كوره هو ميعرفش عنها حاجه..
كله فى الخباسه
دا يابنى لو كان عرف او شفنى...دى كان فيها اعدام
اخد الكلام على مشمى و اول مره اقتنع بان بقول الشاعر الدنيا دى زى البطيخه مليانه بزر
جيران واطيه صحيح
........
قعدت افكر فى الكلام ده كتير اوى يااا دا انا محترم بقى

بس محترم ايه بالى انا بعمله دى ما كلنا من فى الهو سو سوء انا ولا كيشو و لا غيرنا
ما كله بيخدع ابوه الى اداله الثقه و اعتبره مسؤل
حولت احترم نفسى بعد كده و ابطل الى انا بعمله و كله يبقى فى النور يعنى لو قولت له انا رايح العب كوره
هيقتلنى ولا هيكلنى اكيد لا
اقنعت نفسى بالفكره و ابتدأت حياه جديده
نزلت جهزت حركات العشا و كانت الساعه لسه تلاته و لسه رايح اقعد على الكمبيوتر و بقول بسم الله
لقيت الباب اتفتح فجأه و بقيت ابويا و علامات الغضب على وشه
..و راح قفشنى من التى شرت
انت لسه قاعد على الكمبيوتر
قوم !!!!!!!!!!!!!
و لعلمك مفيش كمبيوتر لحد الساعه اتنين بعد كده
...انت فاهم!
حاضر بابا طيب
و لانى بحترم ابويا و بسمع كلامه مفيش كمبيوتر بعد الساعه اتنين
لانى بكون عند كيشو جارى على الكمبيوتر بتاعه
صدق اللي قال ديل ال ...عمره ما ينعدل

طبعا كل الحوار كان فانتازيا

بس الى مكتوب بيحصل مع ناس كتيير اوى مش شرط انه يكون واحد بس الى بيعمل كده

فدى بتختلف من طبقه لطبقه و تربيه لتربيه

و كمان طريقه الحوار الى تعمدت انى اكتب بيها

عشان اوضح طريقه ناس فى الكلام و الحورات الى بتحصل مع شباب مع بعضها

و

بـــــــــــــس

:)

يلا بيس

مسالة مبدا

شبح مستقبل.... همست سكون ..كره حب... صرخة صمت..

قسوة حنان ..توهة امل

سيطره عليه تلك المشاعر

وظل يرقد بمفرده فى الغرفه و يبدأ يصوره له عقله شبح الحاضر

بملاك و يغير هيئه المستقبل الى

وحش

و خط نهايته

يبدأ الظلام يغطى عينه و يتوقف قلبه من ضخ الثقه فى ارجاء

جسمه

و يتوقف من تنفس امل ليغطى

جسده عرق يأس حاضره

و يلتفت اليه الجميع على صوت صفاره الانزار

ليعلن

موت حياه

يقف الزمان !

لحظة سكون

يجد انه اخطا فى تركيب جهاز التنفس

يعود التنفس بالامل مره ثانيه

يرجع القلب فى ضخ الثقه

يبدأ نور الصباح فى المجى

ونسمت همسات الفجر عرقه

فيصحح ما اخط في تصويره العقل

و يتغير قوله من

تكيف مع حاضرك على فرحت الماضى

الى

اذا تقززت انفك من عرق الحاضر فانعشها بنظافت المستقبل

عصاعيصه معصعاصه

من وسط ازمة تسريب شريط عمرو دياب

و هبوط مبيعات فضل شاكر

و نفاذ شريط انغام

و خروج الاهرامات من مسابقه عجائب الدنيا

و هيافت فيلم كركر و الاستعباط الى موجود فى قصه مرجان

كان العبد لله بيقضى صيفه من بين اسكندريا و القاهره

و اخير عودا حميدا الى بلدنا الحبيب تييييييييت

بعد كام يوم كان الواحد محتاجهم لجل انه يعمل رفريش لنفسه

عشان يقدر يواصل بعد ما كان مهنج

وعشان الموطن بيحن قررنا نحن انى ارجع رغم انهم كان ايام حلو

الواحد شاف فيهم اقاربه

و منهم خالتينتينى الى يمكن بقالى سنه مشفتهمش

و بعد ما قعدت معهم شويه و نزلو و لكونى الرجل و تسير فى عروقى شهامه

و نخوت الراجل و بثقه و

صوت المصرى الصميم استنو هوصلكو

و بعد ان تمت المهمه و انا راجع

اذ

بعلبه سالمون كبييييره و تحتها اربع عجلات

و يطلق عليها ابنا المنطقه عربات الجمعيه و يخرج منها كان صغير يشبه البنى ادمين

بيقول فيصل المنطقه الى انا رايح لها

كنت اتشك فى ايدى لما رفعتها و ركبت

و كانت فاضيااااا

و هى دقيقه و و الشعب كله ركبه

مصر كلها داست عليا فى العربيه دى

و انتها بيا الحال

قاعد على الارض و ظهرى فى ظهرى الى راكب جمب السواق

اتملت العربيه و ابص على التباع الى شبه البنى ادمين ده مش لقيه وانشغل بالى و كل تفكير

امال انا هدفع الاجره لمين

ام

يلا

و فجأه مد السواق ايده على الكاست الحاجه الوحيده الى سليمه فى علبه الكبريت الى احنا ركبنها دى

و بدأ صوت النوبا و طبل و صجات و اعوى وشك

و طلع اخير صوت الاستاذ الفنان

خدو بالكو يا بنات مدارس..خدو بالكو يا بنات جامعه

قبل الضحكه ما تقلب دمعه

امسح دمعك و اعبد ربك و ابعد عن الشيطان

يا سلام يا سلام

دى فى الاغنيه على فكره

قاعد تحرق فى سجاره و غيرك مش لاقى رغيف العيش

يا خساره يا خساره

و الحمد لله انتهى الشريط دا عشان ربنا رحيم

و لسه السواق هيقلب الريط ام الى جنبه الى هو ساند عليا

مفيش شريط تانى

...................

ليه يا بيه دا كله مواعظ و حكم مادام انت مش عاوز تسمعه يبقى انت بتشرب سجاير

قاله لا انا مش بشرب سجاير

و ام باصص للسواقه الى كان قدامه علبه السجاير

ما انت بتشرب سجاير اهو امال مش يتتنصح ليه

بص له السواق و سيطر على وجه ملامح الحكيم

لا يا بيه دا بس نصيه للناس اللى هتركب مش اكتر

يعنى عشان لما تكون رايح يركب باص زى ده

و راكبك الشيطان

الكلام ده هيروق دمك و هينزل عليك الهدو و السكينه

و يبعد عنك الشيطان

ما انا باقى الشرايط الى عندى خطب و كده

بس محدش بيسمع الخطب و الكلام ده

و الشريط ده بأثر على الناس

...........

جت فى دماغى على طول عادل امام

شريط كل مواعظ ياباشا

بتاع عصاعيصه معصعاصه

ولا الاغانى التانيه الى كلامهما كله عبر

مرورا بالحاجه شفيقه و مين و مين لحد بعرور

و معاهم الفيلسوف بتاع الدنيا خربانه

و الغريب انك تلاقى السواق مستكنيص منها اوى و متأثر بيها

و عشان ربنا بحبنى

اشاء القدر انى انجو من تقلابات الزمن وجت اللحظه الى انا هنزل فيها اخيرأ

و الحمد لله نزلت سليم

انا حى انا حى

نيهااااااااااااااااااااهاهاهاها